რატომ უნდა გვქონდეს სახლში ჭურჭლის სარეცხი მანქანა?

ჭურჭლის სარეცხი მანქანა თითქოს ფუფუნებასთან ასოცირდება, თუმცა ნამდვილად არსებობს გზები, რაც საყოფაცხოვრებო ტექნიკის ბიუჯეტურად შეძენაში დაგეხმარებათ. ეს სწორედ ის ნივთია, რომელიც ყველა სახლს სჭირდება. განსაკუთრებით კი ადამიანებს, რომლებსაც სამსახურისა და სხვა საქმეების გამო სამზარეულოში დიდხანს ტრიალს ვერ ახერხებენ. ჭურჭლის სარეცხი მანქანა, ცხადია, ყველა შავ საქმეს მოგაშორებთ, თუმცა მანამდე, დეტალურად უნდა იცოდეთ ის, თუ რა სარგებელს მოგიტანთ და ამასთან, რომელი მოდელი იქნება თქვენთვის უპირატესი.

დროის ეკონომია

დღეში ორჯერ მაინც ჭურჭლის რეცხვაზე დახარჯული 20-30 წუთი მაშინ, როცა შეიძლება, ეს დრო საკუთარ თავს ან სხვა საქმეს დაუთმო, ნამდვილად ბევრია. ჭურჭლის სარეცხი მანქანა ამ დროს მინიმუმამდე ამცირებს, თქვენ კი, ამასობაში შეგიძლიათ მშვიდად დაისვენოთ, ჭიქა ყავით დატკბეთ ან ტელევიზორს უყუროთ.

წყლის ეკონომია

ხელით რეცხვას ბევრად უფრო მეტი წყალი სჭირდება, ვიდრე ჭურჭლის სარეცხი მანქანით, რაც თვის ბოლოს თქვენს კომუნალურ გადასახადებზეც აისახება.

ენერგოეფექტურობა

თანამედროვე ჭურჭლის სარეცხი მანქანები საკმაოდ ენერგოეფექტურია. მათი უმრავლესობა A+++ ენერგოკლასს მიეკუთვნება, რაც ნიშნავს, რომ თქვენი ელექტროენერგიის ხარჯიც მინიმუმამდე შემცირდება.

ჰიგიენა და სისუფთავე

ჭურჭლის სარეცხი მანქანა რეცხვისას მაღალ ტემპერატურას იყენებს, რაც უკეთ ანადგურებს ბაქტერიებს, ვიდრე ხელით რეცხვა და თან - თბილი წყლით. ამიტომ ეს კიდევ ერთი დადებითი მხარეა, რაც ჭურჭლის სარეცხი მანქანას აქვს.

გრძელვადიანი ფინანსური მოგება

შეიძლება ფიქრობთ, რომ მანქანა ძვირი ღირს, მაგრამ რეალურად:

დაზოგავთ წყალს
დაზოგავთ ელექტროენერგიას
დაზოგავთ სარეცხ საშუალებებს
დაზოგავთ დროს

როგორ ავირჩიოთ ჭურჭლის სარეცხი მანქანა?

განსაზღვრეთ ზომა და ტევადობა

სტანდარტული ზომა (60 სმ) - უმჯობესია ოჯახებისთვის, იტევს 12-15 სეტი ჭურჭელს
ვიწრო მოდელი (45 სმ) – მცირე სამზარეულოებისთვის ან წყვილისთვის, იტევს დაახლოებით, 9-10 სეტს
მინი ჭურჭლის სარეცხის მანქანა - ძალიან მცირე სივრცითაა და იტევს 6 სეტამდე

შეამოწმეთ ენერგოეფექტურობა

შეამოწმეთ ენერგო კლასის მაჩვენებელი (A, A+, A++, A+++, სადაც A+++ ყველაზე ეფექტურია). ეს მნიშვნელოვნად ამცირებს ელექტროენერგიისა და წყლის ხარჯებს.

დააკვირდით ხმაურის დონეს

40-45 დბ - ჩუმი მუშაობა (სასურველია ღამით რეცხვისთვის);
45-50 დბ - საშუალო ხმაურის დონე;
50+ დბ - ხმაურიანი;

პროგრამები და ფუნქციები

სწრაფი რეცხვა (30 წთ);
ეკონომიური რეჟიმი;
ჰიგიენის რეჟიმი (მაგ. ბავშვის ბოთლებისთვის ან ჭურჭლისთვის);
ნახევრად ჩატვირთვის რეჟიმი;
Wi-Fi და ე.წ სმარტ ფუნქციები (ახალ მოდელებში);

რომელი ჯობს - ჩაშენებული თუ ცალკე მდგომი?

ჩაშენებული - ინტეგრირებულია სამზარეულოს ავეჯში, ვიზუალურად უფრო ესთეტიკურია.
ცალკე მდგომი ჭურჭლის სარეცხი მანქანა - შეგიძლიათ, ნებისმიერ ადგილზე გადააადგილილოთ, მარტივად მოსახმარი და კომფორტულია

SHARP-ის ჭურჭლის სარეცხი მანქანები

SHARP იაპონური ბრენდია, რომელიც გამოირჩევა სანდოობით, ხარისხით და ინოვაციური ტექნოლოგიებით. ამ ბრენდის ტექნიკა გამოირჩევა

Plasmacluster ტექნოლოგიით - ბაქტერიებისა და მიკრობების წინააღმდეგ.
ინვერტერული ძრავი - უზრუნველყოფს ენერგოეფექტურობას და ჩუმ მუშაობას
ავტომატურად კარის გაღების რეჟიმი - რეცხვის შემდეგ, კარი თავისით იღება, რაც ჭურჭელს გაშრობის საშუალებას აძლევს
ანტიბაქტერიული ფილტრები - ჰიგიენის მაღალი დონისთვის;

SHARP-ის მოდელები გამოირჩევა დიზაინით და თანამედროვე ფუნქციებით, ამიტომ თუ ესთეტიკა და ვიზუალი თქვენთვის მნიშვნელოვანია, ეს ბრენდი სწორი არჩევანია.

როგორ მოვუაროთ ჭურჭლის სარეცხი მანქანას

გაწმინდეთ ფილტრი ყოველ 1–2 კვირაში

ღია ქვედა კალათის ქვეშ არის ბადე/ფილტრი, რომელიც აგროვებს ნარჩენებს. აუცილებელია მისი რეგულარულად წმენდა. გამოიღეთ, გარეცხეთ თბილი წყლით და რბილი ჯაგრისით. დაგროვებულმა ნარჩენებმა შესაძლოა ცუდი სუნი დატოვოს ან წყლის დინების შეფერხება გამოიწვიოს.

წელიწადში 1-2-ჯერ გამოიყენეთ სპეციალური საწმენდი საშუალება. ჩაამატეთ აპარატში და ჩართეთ პროგრამა საშუალოზე მაღალ ტემპერატურაზე. ეს მოაშორებს ცხიმს, კირქვას და უსიამოვნო სუნს.
დატენვისას კი სწორად განათავსეთ ჭურჭელი ამ პრინციპით:

ქვედა კალათაში - თეფშები, ქვაბები, ტაფები

ზედა კალათაში - ჭიქები, ფინჯნები, პატარა თეფშები.

დანა-ჩანგალი – სპეციალურ განყოფილებაში ან კალათში.

გაითვალისწინეთ, რომ არ გადატვირთო მანქანა. წყალი და სარეცხი საშუალება უნდა ცირკულირებდეს თავისუფლად.

გამოიყენე მარილი და გამაფხვიერებელი სწორად

მარილი ამცირებს კირქვას, ამასთან ერთად კი იიცავს გათბობის ელემენტს დაზიანებისგან და გაცვეთისგან;

გამაფხვიერებელი უკეთ აშრობს ჭურჭელს და აფერხებს ლაქების გაჩენას. ზოგიერთი სარეცხის ტაბლეტი შეიცავს ორივეს, მაგრამ ხანგრძლივი მუშაობისთვის, პერიოდულად ჯობს ცალკე დაუმატოთ ხოლმე.

არ დახუროთ კარი სრულად გამოყენების შემდეგ

დატოვეთ ნახევრად ღია, რათა შიგნით გაშრეს და არ გაჩნდეს ობის სუნი.

მოუარეთ წყლის გამაცხელებელს

თუ თქვენს რეგიონში წყალი ძალიან მყარია, რეგულარულად გამოიყენეთ სპეციალური კირქვის გამწმენდი. საერთო ჯამში, დაიმახსოვრეთ, რომ ჭურჭლის სარეცხი მანქანის ხანგრძლივი მუშაობისთვის აუცილებელია მისი რეგულარული მოვლა. დროული წმენდა, სწორი დატვირთვა და ხარისხიანი საშუალებების გამოყენება, რაც თავიდან აგარიდებთ ტექნიკის გაუმართაობასა და უსიამოვნო სუნს.